रेसिपी रानभाज्यांची… आरोग्यदायी आहाराची

मटारू / करांदा

शास्त्रीय नाव : Dioscorea bulbifera Linn (डायोस्कोरिआ बल्बिफेरा)
कुल : Dioscoreaceae (डायोस्कोरिएसी)
इंग्रजी नाव : बल्ब बियरिंग याम (Bulb bearing yam)
स्थानिक नाव : करांदा, मटारू, गठालू, वाराही कंद.
उपयुक्त भाग : पाने, फळे

औषधी गुणधर्म

• मटारू/ वाराही कंद हा वात कफ शामक असून, पचनशक्ती वाढविणारा आहे.
• हृदय रोग, मधुमेह, कुष्ठ, जंत, विष, संधिरोग, रक्तविकारात लाभदायक आहे.
• अपचन, त्वचारोग, रक्तस्राव, पित्ताशयाचा दाह, यावर गुणकारी आहे.
• वीर्यवृद्धी व लघवीचे प्रमाण वाढवणारा आहे.

मटारु/करांद्याची भाजी

साहित्य
मटारु, तेल, बारीक चिरलेला कांदा, मिरची, लसुण, जिरे, तिखट, मीठ, हळद, टोमॅटो, कोथींबीर, मसाला

कृती

• एक पातेले घेऊन त्यात पाणी घेऊन मटारु मिठ घालुन उकळुन घ्यावे.
• मटारुला सोलुन बारीक तुकडे करुन घ्यावे.
• एक पातेले घेऊन त्यात आपल्याला पाहिजे तेवढे तेल, गरम करुन त्यात बारीक चिरलेला कांदा, मिरची, लसुन, जिरा, तिखट, मिठ, हळद, व मसाला तळून घ्यावे.
• नंतर त्यामध्ये मटारुचे बारीक तुकडे टाकुन शिजु द्यावे. नंतर कोथींबीर टाकावे.
• अशा प्रकारे आपल्या आवडीची मटारुची भाजी तयार होईल.

मटारुच्या पानांची वडी

साहित्य
मटारुची कोवळी पाने, बेसन, तेल, तिखट, मीठ, हळद.

कृती

• सर्वात प्रथम बेसन गव्हाच्या पिठाप्रमाणे मळुन घ्यावे.
• त्यामध्ये चवीनुसार तिखट, मिठ, हळद मिसळून घ्यावे.
• मळलेले बेसन पीठ मटारुच्या प्रत्येक पानावर पसरवुन मटारुची कोवळी पाने एकावर एक ठेऊन गुंडाळून घ्यावे.
• मटारुच्या पानाच्या गुंडाळ्या वाफेवर शिजवून घ्यावे.
• नंतर त्याचे बारीक तुकडे किवा वडया करुन तव्यावर तेलात टाकुन तळून घ्यावे.
• अशा प्रकारे अळुच्या पानांची स्वादवडी तयार होईल.

सौजन्य : रानभाज्यांची माहिती पुस्तिका, कृषी विभाग, महाराष्ट्र शासन, अर्थ