रेसिपी रानभाज्यांची… आरोग्यादायी आहाराची

पिंपळ

शास्त्रीय नाव : Ficus religiosa
इंग्रजी नाव : Piple
स्थानिक नाव : अश्वत्थ , पिप्पल बोधिम
कुळ : Moraceae
आढळ : हे वृक्ष मध्य भारत, पश्चिम बंगाल व हिमालयाच्या पायथ्याशी आढळतात.

औषधी गुणधर्म

• पिंपळाची साल, सालीची राख, कोवळी व सुकी पाने, फळे व बिया औषधात वापरतात.
• पिंपळाची साल रक्तसंग्राही व पौष्टिक आहे.
• फळे पाच व रक्तशुध्दी करणारी आहेत.
• पिकलेले पान विडयाच्या पानांतुन काविळीत देतात.
• मुळाची साल मधात घासून मुलांच्या मुखरोगात व्रणावर लावतात.
• पित्तकोपातही पिंपळ उपयुक्त आहे.
• कोवळी अंतर्साल अस्थिभंगावर उपयोगी आहे.

पिंपळाच्या पानांची भाजी

साहित्य
दोन वाट्या पिंपळाची देठासहीत कोवळी पाने, थोडी चिंच, चार लसूण पाकळ्या, चार हिरव्या मिरच्या, तेल, मीठ इ.

कृती

• पाने धुऊन, चिरुन घ्यावीत.
• लसूण पाकळ्या ठेचून घ्याव्यात. हिरव्या मिरच्या चिरुन घ्याव्यात.
• चिरलेली पाने वाफवून घ्यावीत. पाणी टाकून द्यावे.
  तेलात ठेचलेली लसून व चिरलेली हिरवी मिरची टाकावी.
• नंतर वाफवलेली भाजी घालावी. चिंच घालावी.
• चवी पुरते मीठ घालुन भाजी शिजवून घ्यावी.

सौजन्य : रानभाज्यांची माहिती पुस्तिका, कृषी विभाग, महाराष्ट्र शासन