पाथरी
शास्त्रीय नाव : Launea procumbens
कुळ : ॲस्टरोएसी
उपयुक्त भाग : पाने
कालावधी : वर्षभर (फुले : नोव्हेंबर – डिसेंबर)
औषधी गुणधर्म
- पाथरीचा अंगरस जेष्ठमधाबरोबर दिल्यास बाळंतिणीचे दूध वाढते.
- चारा म्हणून वापरल्यास जनावरांचे दूध वाढते.
- हे चाटण सुक्या खोकल्यास उपयुक्त आहे.
- भाजीने पित्ताचा त्रास कमी होतो.
- कावीळ व यकृत विकारात ही भाजी उपयुक्त आहे.
पाथरीची भाजी
साहित्य
पाथरीची चिरलेली भाजी, ताक, मीठ, हिरवी मिरची, लाल मिरची, साखर, चणाडाळ, शेंगदाणे, बेसन, तेल, मेथी, मोहरी, हिंग, हळद, जिरे इ.
कृती
- पाथरीची चिरलेली भाजी उकडून घ्यावी व पाणी टाकून द्यावे.
- डाळ, शेंगदाणे, भिजवून तासाभराने दाणे, डाळ वेगवेगळे शिजवावे.
- पाथरीची भाजी शिजवून घ्यावी. तेव्हाच मीठ, साखर, बेसन व ताक घालुन एकजीव करावे.
- डाळ, दाणे घालावे. फोडणीत दोन्ही मिरच्या व इतर साहित्य घालुन त्यात एकजीव केलेली भाजी ओतावी व ढवळत राहून उकळावे.
- ताकाऐवजी चिंचेचा कोळ व गुळ घालुनही भाजी करता येईल.
सौजन्य : रानभाज्यांची माहिती पुस्तिका, कृषी विभाग, महाराष्ट्र शासन