कपाळफोडी
शास्त्रीय नाव : Physalis Pubescens
कुळ : सॅपिडिएसी
स्थानिक नाव : फोफांडा
उपयुक्त भाग : पाने
कालावधी : वार्षिक (वेलवर्गीय फुले : ऑक्टोंबर – डिसेंबर)
औषधी गुणधर्म :
- केशसंवर्धनासाठी वापरतात.
- कानदुखीत व कानफुटीत कानात पू झाल्यास पानांचा रस कानात घालतात.
- मासिक पाळी नियमित होत नसल्यास उपयोगी
- जुनाट खोकला , छाती भरणे या विकारात उपयुक्त आमवातात मुळांचा काढा करतात.
- पान एरंडेल तेलात वाटून सुजलेल्या सांध्यावर बांधतात.
कपाळफोडीची भाजी
साहित्य :
कपाळफोडीची पाने, तेल, बारीक चिरलेला कांदा, मिरची, लसुण, जिरे, तिखट, मीठ, हळद, टोमॅटो, कोथींबीर
कृती :
- कपाळफोडीची पाने स्वच्छ धुऊन चिरुन घ्यावीत.
- एक पातेले घेऊन त्यात एक ग्लास पाणी व चिरलेली भाजी उकळुन घ्यावी. नंतर त्यातील पाणी नितळुन घ्यावे.
- पातेल्यात आपल्याला पाहिजे तेवढे तेल, गरम करुन त्यात बारीक चिरलेला कांदा, मिरची, लसुण, जिरे, तिखट, मीठ, हळद, टोमॅटो तळून घ्यावे.
- त्यामध्ये भाजी टाकुन मंद गॅसवर शिजु द्यावे. नंतर कोथींबीर टाकावी.
- अशा प्रकारे आपल्या आवडीची भाजी तयार होईल.
सौजन्य : रानभाज्यांची माहिती पुस्तिका, कृषी विभाग, महाराष्ट्र शासन
